Dapre plizyè sous enfòmasyon entènasyonal, lidèchip FIFA a ap diskite posiblite pou Prezidan Gianni Infantino fè yon demann dirèk bay Prezidan Donald Trump pou gouvènman ameriken an sispann operasyon ajans imigrasyon ICE (Immigration and Customs Enforcement) pandan dewoulman Koup Dimond 2026 la. Desizyon sa a ta vize garanti sekirite ak libète mouvman fanatik, jwè, ak jounalis ki pral soti nan kat kwen mond lan. Enkyetid yo te kòmanse ogmante apre administrasyon Trump lan te anonse entansyon li pou deplwaye ajan ICE nan stad yo ak nan zòn kote aktivite yo ap fèt kòm yon mezi sekirite. Plis pase 120 òganizasyon dwa moun, pami yo ACLU ak Amnesty International, deja pibliye yon “avi vwayaj” ki mande vizitè yo pou yo fè anpil pridans akòz politik imigrasyon administrasyon an ki vin pi sevè depi janvye 2026.
Pou kounye a, Mezon Blanch lan poko bay yon repons ofisyèl sou posiblite pou yo ta aksepte yon poz konsa. Pandan se tan, FIFA kontinye ap fè presyon pou asire ke “foutbòl ini mond lan” san baryè politik oswa krentif pou arestasyon pandan pi gwo fèt espòtif la.
Leave a Reply