Pòtpawòl Mezon Blanch lan, Karoline Leavitt, anonse jodi a ke li pral pran yon poz nan aktivite li pou l al akeyi dezyèm pitit li a. Nan yon dènye chita pale (gaggle) ak jounalis yo, li fè konnen se pwobableman dènye fwa y ap wè l anvan li akouche, paske moman an “ka rive nenpòt minit kounye a”. Leavitt, ki te parèt ak yon vant byen makònen, deklare ak anpil imou : “Jan nou ka wè a, mwen prèt pou m gen yon bebe nenpòt minit la, donk m ap wè nou trèbyento.
Pou rasire jounalis yo ki pè pou yo pa manke enfòmasyon pandan li pa la a, li voye yon ti pwen : “Mwen konnen nou tout gen nimewo telefòn pèsonèl Prezidan an, donk mwen pa gen dout ke n ap jwenn kont deklarasyon ak nouvèl nan bilding sa a pandan m pa la a.” Malgre absans pòtpawòl prensipal la, machin kominikasyon administrasyon an ap kontinye vire san rete, sitou ak yon Prezidan ki renmen kominike dirèkteman ak medya yo ak pèp la. Sa a se dezyèm pitit pou Karoline Leavitt, ki rive jere yon pòs ki gen gwo presyon tout antan l ap prepare l pou l agrandi fanmi l.
Tout ekip laprès nan Washington swete Karoline yon bon akouchman ak anpil sante pou nouvo bebe a k ap vini an.
Leave a Reply